NA ERIC MUTINDA - KENYA:
Sam Musya ni Mtangazaji wa runinga aliyeokoka na mwenye kipaji kikubwa
cha uimbaji anayefanyia huduma zake za uimbaji Nairobi nchini Kenya
lakini pia akitangaza katika moja ya Television nyingi zilizopo Nairobi
ikifahamika kama Kyeni Tv
Akizungumza na Mwakilishi wa Gospel Magazine aliyeko Kenya,
Sam Musya alisema kuwa pamoja na Utangazaji yeye ameokoka na
kuamua kumtumikia Mungu kwani aliona kumtukuza Mungu ndio njia
sahihi kwake.
Akasema katika kumtumikia Mungu yeye ni muimbaji ambaye mpaka sasa
ana Album nne ambapo ya nne ndio aliyoizindua mwanzoni mwa mwaka huu
ikiwa ni tofauti kabisa na album zake nyingine za mwanzo kwani hii aliamua
kuimba kwa kilugha yaani Kikamba ambayo ni Lugha ya mama yake, hivyo kuifanya album hiyo iwe yenye kuvutia zaidi.
Sam amesema kuwa katika uimbaji wake amefurahishwa sana na kuona watu
wakiokoka na kubarikiwa zaidi kupitia nyimbo zake, hicho ni kitu kinachomfurahisha
sana na kumfanya ajione ni kijana mwenye nafasi kubwa mbele za Mungu
Changamoto kubwa aliyokuwa akikumbana nayo mara nyingi ni kukosa pesa za kuingia studio kurekodi kwani bei za studio ziko juu sana
Akitaja nyimbo zake zilizobamba zaidi Sam alisema kuwa ni pamoja na Oselela, Majira, Taiwa, Inuka, Lilikana na Anaweza.
Lakini pia Sam hakuacha kuwatia moyo waimbaji wanaoinuka
kama kweli wanavyovipaji basi wasikate tamaa wa mtu yeyote asiwakatishe tamaa. kwani hakuna muimbaji aliyeanza na kuwa moja kwa moja, hivyo wasikate tamaa.
Comments
Post a Comment