Mwimbaji wa nyimbo za Injili wa Nchini Kenya anayetambulika kwa jina la Frederick Ochieng almaarufu ka Ochipreiz amefunguka waziwazi kuwa anatamani sana kufanyakazi na Mwimbaji wa Kike wa Nchini Tanzania Angel Benard.
Akiongea na mwandishi wa Habari hizi aliyeko Nchini Kenya Erick Kiprotich Mutinda, Ochipreiz amesema kuwa anatamani sana kufanya kazi na Muimbaji huyo kwa maelezo ya kuwa ana tunzi nzuri na pia uimbaji wake unamvutia.
Ochipreiz amesema kuwa waimbaji wengine anaotamani kufanyanao kazi ni pamoja na Daddy Owen, Piston, na Mercy Masika.
alipoulizwa kulingana na jina la Ochipreiz, alisema kuwa jina hilo alipewa na baba yake wa kiroho ambaye ni marehemu kwa sasa Ben Bahati, kulingana na uimbaji wake katika kundi la praise kanisani kwao, hivyo badala ya kumuita Ochieng akawa anamuita Ochipreiz.
Lakini pia amesema kuwa waimbaji wengi wa kisasa wamebadilisha uimbaji wa Gospel kuwa kama uimbaji wa kimapenzi kuwaimbia wapenzi wao na kusahau kuwa gospel ni nyimbo kwa ajili ya kumtukuza Mungu.
Ochipreiz kwa sasa anafanya kazi zake chini ya Doctor Eddy wa Dreamland Music Intl lakini anawaambia mafans wake waitafute kazi aliyofanya na Fidel Otondolo kwani video Ikotayari na ilishaachiwa tayari.
Frederick Ochieng ni mwimbaji ambaye alianza kuimbaji toka akiwa kidato cha pili, na sasa ni miaka kumi toka ameanza kumuimbia Mungu. lakini anasema changamoto anazokutana nazo sana ni kupata airplay kwenye vituo mbalimbali vya habari hususan radio na televisheni.
Comments
Post a Comment