MCHUNGAJI COMMANDO MASHIMO AUNGURUMA TENA SWALA LA UCHAGUZI KENYA

Mchungaji na mtabiri wa matukio makuu yanayotokea Afrika Mashariki na Duniani kote Commando Mashimo afunguka kwa utabiri mwingine wa kusisimua..

Akiongea na vyombo vya habari jijini Dar Es Salaam,  Mchungaji Mashimo amesema kuwa uamuzi wa wapinzani nchini Kenya kulipeleka swala la uchaguzi mahakamani ni kupingana na kusudi la Mungu, kwani Mungu ndiye aliyepanga ushindi wa Rais Uhuru Kenyatta.

Commando Mashimo aliendelea kusema kuwa, Mungu alimpa maona ambayo yalimuonesha kwamba muheshimiwa Raila Odinga atoweza kamwe kuwa rais wa Nchi ya Kenya, hivyo Swala la kupinga matokeo ya uchaguzi na kuamua kulipeleka mahakamani ni sawa na kushindana na Mungu.
Hivyo anashauri kuliondoa hili swala mahakamani haraka iwezekanavyo kwani Mungu huchukizwa na ukaidi.

Aliendelea kusema kuwa hapo awali alipotabiri ushindi wa Uhuru Kenyatta alisema kuwa uchaguzi pia utakuwa wa utulivu na amani sasa swala linalofanywa na Odinga na washirika wake laweza kumchukiza Mungu kama atakaidi kuliondoa swala hilo mahakamani na kuleta madhara makubwa.