KEMMYBYELA KUUPANDISHA NDEGE MUZIKI WA INJILI WA TANZANIA...

Mwimbaji anayechipukiwa katika medani ya uimbaji wa nyimbo za Injili nchini tanzania Kemmybyela Paul almaarufu kama Kemmy, ana ndoto za kuuvusha muziki wa injili wa tanzania kwenda katika viwango vya kimataifa.

akiongea na Gospel 1 Magazine Kemmy alisema kuwa lengo lake kubwa na ndoto zake za miaka mingi ni kuufanya muziki wa injili nchini Tanzania uvuke mipaka na kutambulika kimataifa, lakini pia kuwa mwimbaji atakaye tambulika na ulimwengu wote.

Kemmy aliendelea kusema kuwa, baada yakulitazamia sana hilo, akaamua kufanya nyimbo za kiingereza kwani kuutangaza muziki wa Injili wa Tanzania ni lazima pia tuweke lugha ambazo watu wamataifa au wasiojuwa kiswahili wataelewa.

"... ni ndoto zangu za muda mrefu kuja kuwa mwimbaji ambaye nitatambulika kimataifa na duniani kote, ndio maana nimetazamia kwenye kuimba nyimbo ambazo zina lugha ya kingereza zaidi ili kujaribu kuwakamata wale wasiojuwa kiswahili pia..." alisema Kemmy.

Kemmy amekamilisha albamu yenye jumla ya nyimbo 6 ambazo zote zimetengenezwa katika studio za Eck Production, na kwa sasa ameamua kuachi wimbo mmoja uitwao Special Delivery ambao unapatikana katika mtandao wa you tube.
amesema kuwa yuko tayari kwa mialiko na matamasha mbali mbali na unaweza kumpata kwa kupiga namba zifuatazo +255 762 979 083

HUU HAPA WIMBO WA KEMMY