PATRICIA NGONYANI AZUNGUMZIA VIDEO YA NISEME NINI?...

Mwimbaji wa Nyimbo za Injili anayetamba na kibao cha Niseme nini? Patricia Ngonyani, anatarajia kufanya video ya Wimbo wa Niseme Nini hivi karibuni.

Akiongea na Gospel 1 Magazine Patricia amesema kuwa wimbo wake umepokelewa vizuri tofauti na alivyotarajia ukizingatia kuwa yeye bado mpya katika Medani ya uimbaji wa nyimbo zainjili, hivyo akaona ni vema kama wimbo huo atauweka moja kwa moja katika mfumo wa video ili kuwapa ladha zaidi mashabiki wake na wapenzi wa nyimbo za injili.

"... ujuwe sikutegemea kuwa nitapokelewa hivi, na wala sikutegemea kama wimbo wangu utapokelewa hivi, maana mimi ni mpya katika  tasnia hii na hakuna aliyekuwa ananifahamu, lakini ajabu wimbo wangu umepokelewa vizuri kitu ambacho kinanipa faraja... na hivi karibuni natarajia kufanya Video ya wimbo huu wa Niseme Nini ili kuendelea kuwapa ladha mashabiki zangu na wapenzi wa nyimbo za injili kwa ujumla..." alisema Patricia

Aliendelea kusema kuwa alishafanya maongezi na kampuni itakayoandaa video ya wimbo huo na kila kitu kinakwenda sawa ila anasubiria mpaka mwezi wa kumi na mbili ndio ataanza shooting kamili.

Patricia ngonyani ameshakamilisha album yake na iko tayari katika mfumo wa audio, hivyo kwa yeyote atakayehitaji anaweza kumtafuta kwa namba +255 744 084 881. Patricia pia yuko tayari kwa mialiko mbalimbali ya kihuduma.