ALICE KAZIGE AANIKA KWA NINI WATU HAWAPENDI KUOKOKA... SIO KAZI NYEPESI

Mwimbaji wa nyimbo za Injili anayechipukia na mwenye makazi yake  Mkoani Tabora Nchini Tanzania Alice Kazige, anakukaribisha wewe mpenzi na Mdau wa muziki wa Injili popote pale ulipo, Kusikiliza Wimbo wake Mpya ambao una ujumbe mzito.

Alice alipotembelea Ofice za Gospel 1 Magazine amesema, Wimbo uitwao sio kazi nyepesi ni wimbo ambao umebeba ujumbe mzito wa mambo ambayo yanatendeka kila siku na ambayo wengi wanashindwa kuyaepuka ukizingatia umri wao waujana japo pia wapo watu wazima ambao nao bado wamekubwa na kisanga hicho.

Alice anasema kuwa alifikiria sana na kutafakari sana kabla ya kuandika wimbo huo lakini akaja kugundua kuwa kuna vitu ambavyo vinasababisha watu wengi wasiokoke kwa kuogopa kuviacha.
"... niliumiza kichwa sana wakati naandika wimbo huu, lakini nikaja kugundua kuwa watu wengi wanashindwa kuokoka au kumfuata Yesu kwa vile bado kuna vitu ambavyo wanaogopa kuviacha,.. kwanai wakishaokoka hawatavipata tena..." alisema Alice Kazige.

 Alice Ni mwimbaji ambaye ndio kwanza anachipukia kwenye uimbaji wa Injili, lakini mwenye ndoto na matarajio ya kufika mbali, kwani amesema kuwa yuko Tayari kwa mialiko ya aina yoyote lakini iwe tu inayomtukuza Mungu. anapatikana kwa no. +255 752 404 398