WAIMBAJI KUTOKA KILA PEMBE YA TANZANIA KUUWASHA TAMASHA LA UZINDUZI DODOMA...

Hii ni Siku inayo subiriwa kwa hamu kubwa, Siku ambayo Waimbaji mbalimbali kutoka Mikoa mbalimbali ya Tanzania watakutana tena na kumsifu Mungu kwa pamoja sambamba na Kundi la Miracle Group.
Ni Siku ya Tarehe 25 mwezi February ambapo itakuwa inazinduliwa Albamu ya Mwimbaji wa nyimbo za Injili Evelina Ijinji inayotambulika kwa jina la SHITUKA.

Akiongea na Gospel Magazine kwa njia ya Simu, Evelina alisema kuwa maandalizi yote yameshakamilika na tayari alishafanya maongezi na waimbaji mbalimbali watakaomsindikiza katika kuzindua Albamu hiyo ya Audio.

"... Tayari kila kitu kimeshakamilika na kwenda kama kilivyopangwa, kwani pia nilishazungumza na waimbaji watakaonisindikiza siku hiyo nao pia wameshathibitisha kuhudhuria katika Tamasha hilo..." alisema Evelina.

"... Nina imani nao na naamini watafika bila kukosa japo naelewa wengine wanatoka mbali lakini Mungu atawajalia na watafika..."



waimbaji watakao hudhuria katika tamasha hila ni pamoja na Flora Chilumba Kutoka Lindi, Patricia Ngonyani kutoka Tanga, Honaratha Muzuli Kutoka Dodoma Mjini, na Mussa Sikabwe, wote wakiwa wakiwa ni waimbaji wanaounda Kundi au umoja uitwao Miracle Life. waimbaji wengine watakaohudumu ni pamoja na Syuni Band Kutoka Kibaha, Amani kwaya Kutoka Kenya, Amani kwaya ya Matumbulu, Safina kwaya Dodoma Mjini, Matendo kwaya ya Mpuguzi Ufunuo Kwaya ya MatumbuluChisichili kwaya na Nyingine nyingi...

Tamasha hilo la Uzinduzi litafanyika katika kanisa la St. Thomas Matumbulu Dodoma