Amekuwa akisikika tu katika Audio ya Wimbo unaotamba sana kipindi hiki katika mitandao ya kijamii kwa sasa ujulikanao kama Tukazaze Mwendo, Glory Massawe, Sasa ameweka wazi ujio wa video ya Tukaze Mwedo.
Akiongea na Mtandao huu kwa njia ya Simu kutokea Mtwara, Glory amesema anatarajia kuiweka Albamu yake ya Tukaze Mwendo katika video kwani mashabiki na wapenzi wa muziki wa Injili wanataka kuona wimbo wa tukaze mwendo ukiwa katika mfumo wa video.
"... sikutaka kabisa kufanya Video kwa sasa lakini kutokana na ombi la mashabiki na wapenzi wa muziki wa injili kwa ujumla nimeamua tu nifanye Video hivi karibuni, lakini pia ukizingatia kuwa watu wengi sasa hivi wanapenda sana video kuliko audio hivyo nakuwa sina budi kufanya hivyo haraka iwezekanavyo ili kuwafurahisha wapenzi na kukimbizana na hali ya muziki unavyokwenda kwa sasa..." alisema Glory.
aliendelea kusema kuwa sio kwamba anafanya wimbo wa Tukaze mwendo peke yake bali anafanya albamu nzima ya tukaze mwendo, na tayari alishafanya mazungumzo na kampuni itakayoandaa video hizo na sasa wako katika hatua za kufanya script na kutafuta location.
"... nilishafanya mazungumzo na kampuni itakayonifanyia video hizo na mambo yana kwenda vizuri kwa kweli kwani sasa tupo katika hatua nzuri, kwani Director wangu alishafanya script na sasa yuko kwenye hatua ya kutafuta Locations,.. kwa hiyo nawaomba tu muwe na subira mpaka June video zitakuwa tayari..." aliendelea kuongea Glory.
baada ya kuzungumza na Glory tulimtafuta Director Mo Ambaye ndio atafanya video hizo, naye akathibitisha kuwa ni kweli na sasa yuko katika kutafuta Locations na tayari baadhi zimepatikana ila bado location moja ndo anahangaika nayo. na ikipatikana wataanza shooting moja kwa moja.
Comments
Post a Comment