Katika hali isiyo tarajiwa na wengi, Mwimbaji anayekuja juu zaidi katika medani ya nyimbo za injili na mwenye makazi yake mjini Tanga Tanzania, Patricia Ngonyani amejikuta akitamani kufikia katika nafasi ambayo mwimbaji Nguli wa Nyimbo hizo alifikia ili awe kinara zaidi.
Akiongea na Gospel 1 Magaizine Patricia alisema kuwa katika uimbaji wake siku zote huwa anamuomba mungu awe mwimbaji mkubwa ambaye atafahamika karibia Duniani kote na kuwa mwimbaji wa kimataifa zaidi kwani anaamini kwa kufikia hatua hiyo ataweza kulitangza neno zaidi na kwa kiwango ambacho Mungu mwenyewe anapenda.
Katika kuongelea habari za kuwa mwimbaji wa kimataifa hakuacha kumzungumzia mwimbaji Rose Muhando ambaye alifikia mpaka hatua ya kuchukuliwa na kampuni ya Sony ambayo inamiliki wanamuziki wakubwa huko Marekani.
"... najaribu kufanya kazi zangu za uimbaji kwa jitihada zote ili nije kufikia malengo yangu, nataka niwe mwanamuziki wa Injili wa kimataifa zaidi na nifahamike duniani kote kwani naamini nikifikia hatua hiyo nitaweza kulitangaza neno la Mungu vizuri zaidi... yaani natamani nifikie hatua aliyoifikia Da Rose Muhando ikiwezekana na zaidi..." Alisema Patricia
Patricia Ngonyani ni muimbaji wa Injili ambaye anatamba na Kibao kinachokwenda kwa jina la Niseme Nini ambacho kinafanya vizuri katika vituo mbalimbali na mitandao ya kijamii, na hivi karibuni yuko mbioni kufanya Video ya Albamu yake ya Niseme Nini.
HUU HAPA WIMBO WA NISEME NINI
Mwenyezi Mungu akuongoze katika njia iliyonyooka.
ReplyDelete